Orunaku rwa Sabato [CB21]

Aha bwenki nitukuratira Sabato?

Sabato n’orunaku oruri kwera; Ruhanga nayenda ku tukuratira Sabato buri zooba (Okur 20:8-11). Sabato eriho ngu tuhumure (ekyebir 5:14), twege ekigambo kya Ruhanga, tumushabe kandi tuteekateke ebintu ebi ari kutukorera. N’orunaku rw’okuhumuramu ebitu ebya burijo ebi turi kukora omu naku mukaga.

Sabato ni kimwe aha biragiro ebi Ruhanga yatuhaire. Ruhanga akatuha ebiragiro ikumi kandi nitureeba ekyo kukuratira Sabato n’ekya kana omuribyo.

Ebiragiro ikumi nibyo ebi:

Otarigira baaruhanga abandi nyowe ndiho.
Otaryekorera ekishushani ekibaijirwe.
Otarirahira eizina rya Ruhanga busha.

4. Oijukye kweza ekiro kya Sabato

Otine sho na nyoko.
Otarita

7. Otarishambana

Otariba
Otaribeherera mutahi wawe.
Otaryetenga.

Nituteekwa kukuratira ebiragiro byona bya Ruhanga kwonka hanu nitureeba ebiragiro ikumi omu katabo Ebiragiro Ikumi (No. CB17).

Nitukora ebiro mukaga tuhumura ahakya mushanju

Nitukora ebiro mukaga. Titushemereire kuba aberemwa. Ekyo tushemereire kukora tushemereire kukikora n’amaani (Omub 9:10). Tushemereire kwega kukora n’amaani omurimo gwona ogu turi kuba twine. Tushemereire no kuhwera abantu boona abari kwetenga obuhwezi. Eki nikikwata aha Bantu abu turi kumanya nabu tutari kumanya. Nikirungi kuba murungi ahabandi kwonka titushemereire kugyenda n’abu tutari kumanya tutakaburize abazaire baitu ku kirabe kihikire (3Yoh 1:5-7).

Eizooba ery’okweteekateka

Eizooba eriri kubandiza Sabato N’eizooba eryo kweteekateka (Okur 16:5). N’ituryeta eizooba ery’okweteekateka.

Orunaku rwa mukaga orw’esande n’oru turi kweeta orwa katano. Eizooba eri, tushemereire kugura ebyokurya, okuboneza amaju gaitu tukateebekanisa emyenda yaitu ahabwa Sabato. Tushemereire kumara emirimo yaitu tuka teebekanisa ebyokurya ahabwa Sabato (Okur 16:28). Eki nikibaho ngu abakazi nabo bahumure bashome ebya Ruhanga ahari Sabato batashisha obwire omu kuteeka no kutebekanisa eka. Abashaija nabo bashemereire kwetebekanisa Sabato nibahwera abakazi babo n’abana.

Omu kuruga 16:23 nihagira hati: Eki nikyo Mukama ari kuragira: Nyensyakare n’ekiro eky’okuhumura, Sabato erikwera ya Mukama Mukore emigaati ei muri kwenda. Muteeke ebi muri kuteeka Ebiri kusigara mubibike kuhisya Omu kasheshe.

Sabato ekahindurwa Sande?

Abantu bamwe nibagira nigu Sabato ekahindurwa Sande nari ngu titushemereire kukuratira Sabato. Kwonka Ruhanga tahinduka (Mal 3:6) na Sabato ye tehinduka.

Malaki 3:6 Ahakuba nyowe Mukama tindikuhinduka; nahabwekyo imwe abana ba Yakobo mutarihweraho.

Yesu akagamba ku ebiragiro bitarihwaho okuhisya obu byona biryahikirira (Mat. 5:17-18). Nahabwekyo okuhisya obu ebintu ebiri omu Baibuli biryahikirira tushemereire kukuratira ebiragiro kandi okweza Sabato nikimwe aharibyo.

Matayo 5:17-18 “Mutakateekateka ngu nkaija kwihaho ebiragiro nari ba nabi. Tindizire kubihaho kwonka kubihikiriza. Omu mazima nimbagambira. Okuhisya obu eiguru n’ensi birahwaho tihaine enyuguta n’emwe eriruga ahabiragiro kuhisya obu byona biryahikirira.

Tihariho omuntu nari ekanisa eine obushoboorozi bwo kuhindura ebiragiro bya Ruhanga. Sabato n’akamanyiso k’abantu ba Ruhanga (Ezek 20:12). Nahabwekyo abari kweza Sande tibari kukuratira ebiragiro. Tushemereire kwetebeekanisa kyaba nikibasika kwonka haine obu butandu ziri kubaho abantu bakarwara, tushemereire okweiha omu mbera nk’ezi. Ruhanga namanya ebi nikyo ari kutwikiririza ngu tubikoreho. Egyi n’embera y’ente egwire omu kyina. N’ekintu ekiteteeka tekirwe kandi kishemereire kukorwaho n’obu yakuba Sabato.

Tihariho omuntu nari ekanisa eine obushoboorozi bwo kuhindura ebiragiro bya Ruhanga. Sabato n’akamanyiso k’abantu ba Ruhanga (Ezek. 20:12). Nahabwekyo abari kweza sande tibari kuhikiriza ekiragiro kya ruhanga.yesu kristo an’embanga n’ebiro bikuru bya Ruhanga nentumwa n’ekanisa eya kare nahabwekyo naitwe tushemereire kutwaza tutsyo. Otarikiriza abantu ku bari kuugambira ngu Sabato ekahinduka sande, okwe tikwo Ruhanga ari kugamba omuri Baibuli

Orunaku rwa Sabato

Orunaku rwa mushanju niyo Sabato nibagyeta orwamukaaga ahari karenda, sabato buri zooka neba nebaho ekiro kya mushannju Sabato n’etandika buri rwa kataano omumwebazyo (Friday) ehwa buri rwamukaaga omu mwebazyo (Saturday). Tebaasa kuteebwa aha runaku orundi

Titubshemereire kukora aha maju gaitu nari omu misiri ahari Sabato

Yeremia 17:22 Otaryekorera omuzigo gwona nari okukora omurimo gwona ahari Sabato, oshemereire kweza Sabato nk’oku naragirire baishenkuru imwe.

Sabato n’ey’omutaano ahari Ruhanga n’orunaku oru yahumwiremu ahanyima yo kuhanga buri kimwe (Okut 2:2-3).

Okutandika 2:2-3 Ahakiro kya mushanju Ruhanga akahumura emirimo ye 3nikyo ruhanga yaherie omugisha ekiro kya mushanju akakyeza ahakuba aha kiro ekyo nibwo ruhanga yayemereza omurimo ogw’okuhanga. (RSV)

Abazaire n’abantu bakuru tibashemireire kukora ahari Sabato (Okuv 20:8-11), Abana ntibari kuza aha eishomero,tituri kuzaana emizaano y’empaka, nari kureeba Televijoni ahari sabato Titushemereire kurya Omu hoteeri ahari Sabato, titishemireire okugura nari okuguza ekintu kyona ahari Sabato.

Nehemia 10:31 Abantu bo m’urihanga ku bari kureeta ebintu byabo nari ebyokurya byabo kubiguza ahari Sabato nari aha kiro kikuru titiribigura kandi turyahayo emisiri yaitu ey’omwaka ogwa mushanju n’okuganyira abatweinire amabanja.

Oku kiri kubaasika tushemireire okwehara abantu omwanya n’ebintu ebiri kutureetera okushisha Sabato, nitumanya ebintu ebi ku turi kukrira omu kumanya ebiragiro bya Ruhanga kutiri kuba turi abana nitukora ebi abazaire baitu bari kuturagira.

Ekiragiro ngu otahemba omuriro omubutaaho bwawe (Okuv 35:3) nikimanyisa okukozesa omuriro hariho abantu abari kukozesa omuriro omukukozesa ebintu eby’ekyoma n’ebirahure titushemereire kuhemba ogwo muriro eki tikiri kumanyisa ngu titushemereirekukozesa esigiri, okuhemba omu mahega n’okuhemba etabaza.

Entumwa za Yesu zikajunga engano aha Sabato abantu babihirwa ahakuba bakateekakateka ngu Yesu na henda Sabato.kwonka Yesu akatworeka ku niwe Mukama wa Sabato, kutari kugyira ngu titushemireire okugikuratira kwonka kugikiriza nkoku yabaire akora (Mat. 12:1-12). Akatwegesa ngu kihikire kuronda ebyokurya ebiri kumara aha Sabato kwonka kutari kusharura ebintu bingi biri biri kushaba omurimo ogw’amani.

Omuri Luka 14:1-5 nihatworeka ku n’eky’omugasho okufa aha bigwererezi aha Sabato, Nitubaasa kuza omwirwariro ku turikuhutara nari turwaire nari turi kuzaara nitubaasa kuhwera abatari kwebaasa tushemereire kweteebekanisa kare kwonka haine obu butandu ziri kubaho abantu bakarwara tushemereire kubyeteekateeka, Ruhanga namanya ebi natwikiriza okubikoraho, Aebi nibyo “ente egwire omu kina” n’ekintu ekituri kuba tuteetekatekire konka kiri kubaasa kukorwaho n’obu yakuba Sabato.

Sabato eshemereire kuba orunaku rwo kushemerererwamu tirwo kugiriramu Obusaasi. Tushemereire kushemerererwa Sabato tureete okushemererwa omu nju ya Ruhanga (Isa 58:13-14).

Hariho ebintu ebi turi kubaasa kukora ahari Sabato kugikora obwire bwo kushemererwa. Nikimanyisa kusiba n’ab’amaka gaitu n’abantu abari kweza Sabato. Abazaire baingi nibateebekanisa ebyokurya n’emizaano y’abana bashemereire kukora aha Sabato. Nikirungi abana kuzaana aha Sabato kwonka etari mizaano y’abana bashemereire kukora aha Sabato. Nikirungi abana kuzaana aha Sabato kwonka etari mizaano y’orwari. Amaka agamwe nigaza omu marindiro g’enyamaishwa nari emyanya y’aheru okushemerererwa omu bihangwa bya Ruhanga. Okwega ahari Ruhanga omwe n’amazima n’ebiragiro bye nakyo ni kirungi. Ebi n’ebintu ebi tutari kukora omu bindi biro Mukaga ahakuba Sabato n’orunaku rw’omutaano.

Okweza Sabato kurimu n’okubugana abantu abu turi kushushanisa emitima ngu turi kushushanisa emitima ngu tukurire omu bwengye bw’omuhanda gwa Ruhanga. Ekyi kikegyesibwa Paulo, entumwa ya Yesu (Abah 10:23-25).

Tushemereire ebiro byona kweteebekanisiza Sabato. Abantu abato nibakikorerwa abazaire babo. Tushemereire kuhwerana turi kukundana nk’oku Kristo ari kutukunda. Tushemereire kuguma nitwega ekiragiro bya Ruhanga oku turi kukura omu kumanya.

Omuri Luka 5:5-14 nihatugambira oku Yesu ari kworeka abandi ngu ku bari kumukuratira n’ahindura amagara gabo gabe marungi nahabwekyo babase kuhwera abandi omu muringo nigwo gumwe. Omu mugani ogu Kristo akatambira omuntu owabaire aine endwara mbi. Yesu akamukora ohurire nkoku ari kutukora abahurire ari kutuhisya haihi na ishe Ruhanga waitu.

Ekanisa ya Ruhanga ninkye kandi tushemereire kubugana oku turi kubaasa. Nikirungi kuba hamwe n’abantu bari kukora ebi turi kukora no kwikiriza ebi turi kukora no kwikiriza ebi turi kwikiriza. Habaireho okugyezaho emirundi mingi okwemereza okuramya Sabato. Ekyi kiryagaruka kibeho. Titushemereire kutiina. Ku turi kworobera ebiragiro bya Ruhanga naturinda.

Ku oraabe oine abazaire abari kweza Sabato bakakwegyesa Ruhanga ow’amazima n’ebiragiro bye, oine omugisha. Oijukye okezibwa wagyirwa ori kwera n’abazaire bawe otakakuzire ngu obatizibwe omu mubiri gwa Yesu Kristo, niyo kanisa ya Ruhanga. Buri omwe omuritwe aine obujunanizibwa ahari Ruhanga obw’okweza Sabato ye.